sabato 15 dicembre 2012

Zugador ‘d’na volta.

V’arcordiv cla stacionäda
dal camp véc lac’sì in Stradon?
Chi sa mai in dò l’è andâda…
Là s’è fatt i prim campion

Il Parma Calcio nella stagione 1925 - 1926
Gh’era alora i du Rossén
Calda Ghini con Mistral
Gabbi Aiolfi Matiolén
tut ragass ch’j fäv’n ‘l sméli

Gh’era Bertoli e Franzén
e Rebecchi, l’äla famosa
fra i tifos gh’era Bonén
president ‘dla “rumorosa”

Gh’è stè Bossola, al masten
Negron, Cresci con Rasìa
e po’ gh’era Pianzolén
al pù alzér dla compagnia

Fra i palètt, dopo Plassén
e Gerali, Mario Alfieri,
con Pigos, i pù gionvén
j han parè mobén sul seri

Gh’era Rossi, mo povrén
con Quagliet al s’à lassè,
gh’era “Fuffo” e ‘s’vrevon bén
bén dabon cme tant fradè

Gh’era Tassi con Baréla
Bonèt, Gabbi al trotolén
Filipon, Bation (Marcéla)
con Tajola e Giubartén

Po, in ‘t’l’elénch stampè in t’al cor
‘d tutt coj ch’an n’ò citè
gh’è Sartori al bräv massor
e Ghiret al “fox tariè”

Gh’era Bonicon Masson
e Giuberti, an lù marsär
ch’j éron fort cme tant leon
con Lombat in ‘t’l’ mnesträr

L’era al temp che la passion
la ‘t’ metteva al fogh in cor
‘na bsontäda e ‘n bagaron
a ‘s’ zugäva con amor

In chi temp ormai lontan
gh’è la storia ‘d col ca fu:
boria e onor ‘d chi pramzan
ch’j ‘àn za pèrs la gioventù.

Giovanni Mazzoni (1904 - 1960),
calciatore del Parma dei tempi eroici con 226 presenze,
allenatore nel campionato 1950 - 1951,
poeta dialettale.

16 dicembre 2012, buon 99° compleanno Parma Calcio.

Nessun commento:

Posta un commento

Nota. Solo i membri di questo blog possono postare un commento.